ليه يابوزيد الدعوة الخاصة ؟!،،،،،معارضة شعرية مع رباعية جميلة له ليته يذكرها هنا

ليه يابوزيد الدعوة الخاصة ؟!ماهى موش ناقصة متحرجنيش!.
قلت ياغـــالى تشعلل نـــــارى طبق الشعـــر مـــا بيغدّيش!.
وانا راح أكمّـــل بس اتحمّل تُقـــل كـلامــى ولا تسبنيش!.
ولا حيعشّـى ولا حيفطـــــّر كالحـلبــــسّة *هـــــوب مفيش!.
ولا حيســلــّك ظــُورى صباحا مليــــار زيــــّـُه مـــاحيكفـّــيش!.
ولا حيوفـــــّر تمن الرضعـــة لبيبى صُوغـــّير بدو يعيش !.
ولا حيوفـّـــر خيط مع إبرة يلملم شق فــــى توبى الخيش!.
ماهى بتقولـّلى قبل ما باطلع يا تجيب ناكـــل أو ما تجيش !.
لو حبـّيت تسمـّع شـِعــرك أُنكش شــَعــرك والبس ريش!.
كلـه حيجى عليك يتفـــرّج لمـّا حتبدأ نــادوا شاويش .
لــو تتحايل يسمعوا حبـّة عايـــز فكــّة اسمها بقشيش!.
لـو كان حظــّك بمب وكِمْــلـِت حطــّوا فى جيبك قرش حشيش!.
***********
أنا راح أكــرر بيت وعـاجبنى بس يا أبنى ما تنقدنيش!.
لو حبـّيت تسمـّع شـِعــرك أُنكــش شــَعـــرك والبس ريش!.
أو تستلقط يوم رقــّـا صة وسطهــا سـُكــّر سنتــرا فــيش*!.
زى الأفـــْعـــى قــوام تتلــوّى عطــرها فــوّع فى النغا شيـش!.
وادعى وزير الشعــر بنفسه وقولـّله دى مُــوزّة وأنا درويــش!.
حيخلـّيك ياحبيبى أمــيرنا ويعلن فـــورا غـــيره ما فيش!.
يومها الفكــّة حتزيد تكــّة وتكـــّة وتكــــّة فمـتـــْسبنــيــش!.
تاكــل إنت كباب وسوتيه وأنا ع الفـول مع جبن قريش!.
=========================

زي حلاوة الكلام ده مفيش
خلينا كلنا دراويش
نمشي حفينين و نلبس خيش
نبات جوعانين و نفطر جبنة قريش
في الشعر حلاوة العيش
حلاوة غير كده مفيش.
...
دام لنا ابداعكم

ايه الجمال ده ياعم بيرم

طب استانانى استانانى

قول لى ياعبدو ما أنت القاضى ... طبق الشعر ْ ... اصبح فاضى

كيلو العدس بعشرة جنية ... واللحمه ْ من فعل الماضى

وانا محتار من ست سنين ... بكتب شعر وباكل طين

علشان يطلع ليا ديوان ... عارف تمنه ... تمنه كااااااااااااااااااااام ؟

بعد الصبر وبعد الحوسه .... تمنه ديوانى ... كيلوه كوسه

» مصطلحات شعرية
» معارضة لقصيدة أمير الشعراء أحمد شوقي رمضانُ وَلَّى :: شعر : صبري الصبري
» إيّاك ياسلك القضا،،،(رباعية برلمانية)،،،!!
» إيّاك ياسلك القضا،،،(رباعية برلمانية)،،،!!
» بحور شعرية كما ظهرت على دوائر الخليل