هيّا نتواصل: قول يا بو زيد وليه حنخاف؟

قول يا بو زيد وليه حنخاف؟*
ندفن راسنا تحت لحـــــاف ؟.
إكشف عالــــــج يادكتــــــور
ولاّ نزور دجّـــــــال عرّاف؟.
واللى حيسكت شيطان أخرس
واللى يقول حيقول بدهاء..
تمحى الداء السارى حروفنا
حتى نــــلاقى اللقمة الحاف!.
===========
5/4/2008

*- قلت فى أزمة العيش:
موّال أخضر قالوا بيبيعوا سنابل خضرا.....!!!.)

قالوا: بيبيعوا سنابل خضرا..!! قلت الدهبى عـِمْلتْ إيــه؟؟!!.
قالوا: دى سودة سنتنا الحاضرة قلت:الجايّة زيّها..!!.ليه؟؟.
قالوا:اللوبى التاجر يحصد ..!! للقـــرايطين وبألـــف جنيه!!.
قالوا: حيزيدوا فى رواتبنا..!! عشرة المِيّة..!! ونص كمـان!.
قلت: عشان الزيت واللحمة؟؟! ولاّ عشان جشع الفـــرّان؟؟!.
قالوا : ياعبدو ماتحمد ربك ..!! ما هو للوقت ياخيّو آدان؟؟!!.
كلنا ليها وهى بتعدّى ...!! يلاّ وهدّى ..! صرخت: احّيييه!!.*
=========================
*- أحّيييه: لفظة إسكندرانية شعبية تفيد التعجب والإستنكار .
*- من أرض السنابل الخضراء(أرض الصديق يوسف عليه
السلام وعلى نبيّنا المصطفى الصلاة والسلام) أول وزير
للتموين والتجارة الخارجية...!!!!!.
فى 30/3/2008
=============
فتواصل معى الشاعر القدير الحبيب/ ابراهيم أبوزيد قائلا:
قلت اتلم ياعبدو ياخويا ... هى سياسة والا دا ايه

خايف واحد منهم ياخدك ... يعملوا منك طبخه سوتيه

امشى ياخويا جنب الحيطه ... ايه فى الدنيا ح تبكى عليه

ماحنا ياسيدى بضاعه رخيصة ... منا الواحد يسوى جنيه
========================
فتواصلت معه قائلا:
قول يا بو زيد وليه حنخاف؟
ندفن راسنا تحت لحـــــاف ؟.
إكشف عالــــــج يادكتــــــور
ولاّ نزور دجّـــــــال عرّاف؟.
واللى حيسكت شيطان أخرس
واللى يقول حيقول بدهاء..
تمحى الداء السارى حروفنا
حتى نــــلاقى اللقمة الحاف!.
===========
5/4/2008

لسه ياعبدو اياك بتقر ... شكلك مش ح تجبها البر

خليك قاعد هنا فى اصالة ... اهى ايام وعلينا تمر

شوف يامواطن شوف ياامير ... مش ح يهم البُعدا مدير

لسه سامعهم بس امبارح ... قالوا مصر حالتها المر

ماهى محشوره ف عنق قزازة ... واللى حاشرها ابيات شعر

بكره يكبوا علينا ذبالة ... علشان مصر تعيش وتمر

» المسحراتى لآل عكاظ الليلة من؟؟؟؟!!!!! هيّا نتواصل إبداعيا
» هيّا..!!
» عبدالوهاب موسى(بيرم المصرى)- سيرة ذاتية هيّا وعطروا الملتقى مثلى