(وصيه ام) للزجال محمد سرور

وصيه ام

الحزن فى ملامحى طارح
من كتر طول البعاد
صوتكم فى كل المطارح
بيقولى فين الولاد

يرد صوتى فى حشاى
الدنيا ساقيه وتلاهى
لوحدى أكمل عشايا
واعد عمرى اللى باقى

الفجر يدن يكبر
والوحده أكلت سنينى
هنت ربيت واكبر
والولد فاتنى ونسينى

ما بين جدار وحدتى
وعصايا شايله همومى
بقت الدموع صحبتى
تشاركنى يومى ونومى

بادعلكوا بالستر ياللى
اخدتوا عمرى وشبابى
بحلم وحلمى تملى
تدق خطوتكوا بابى

واشوفكوا حوليه مره
واغسل فى توبكوا المواجع
انسى حياتى اللى مره
والحزن يحلف ما راجع

يا اللى انتوا بِعْتوا النهارده
أنا عشت أذوق حياتكم
صابره وساكته وراضيه
امتى هاحس بحنانكم

يا كحل عينى ونورى
عكازى فى الدنيا محنى
امتى هتيجوا تزرونى
كرباج بعادكوم دبحنى

مَوّتْوافى المشاعر
وبأيدى عشتوا فى هنا
والجرح فى القلب واعر
لما يكون م الضنى

بـِدِ يكو سطرتوا موتى
وانا عايشه لسه الحياه
وانا مهما انده بصوتى
ما حد سامع ندا

وِبـِدِى حضرت كفنى
ووصيتى ما تغسلونى
وان حد فى منامه شافنى
متجوش فى قبرى تزرونى

الزجال
محمد سرور

فى مرورى الأول هذا
أحجز مقعدا فى الصف الأول
لأستمتع برباعيات تشمل وصايا الأم وعتابها الجالد لذوات أبنائها أتباع العقوق!.
نص به طلاقة..!!:
تلقيته فى أول التلقى وصايا وطن الأم الكبرى الوطن!
دمت بألق ياسيد الزجل الراقى
وشكرا لتفاعلك الملموس حبّا فى عكاظ الذى يحبك
ليت كل أبناء عكاظ مثلك واصلون لرحمه ولايكونوا كأبناء تلك الأم المعاتبة لهم!!!!!!.
ولك محبتى فى الله

عبدالوهاب موسى كتب:: فى مرورى الأول هذا
أحجز مقعدا فى الصف الأول
لأستمتع برباعيات تشمل وصايا الأم وعتابها الجالد لذوات أبنائها أتباع العقوق!.
نص به طلاقة..!!:
تلقيته فى أول التلقى وصايا وطن الأم الكبرى الوطن!
دمت بألق ياسيد الزجل الراقى
وشكرا لتفاعلك الملموس حبّا فى عكاظ الذى يحبك
ليت كل أبناء عكاظ مثلك واصلون لرحمه ولايكونوا كأبناء تلك الأم المعاتبة لهم!!!!!!.
ولك محبتى فى الله

استاذى الفاضل ومعلمى الراقى
استاذ عبد الوهاب موسى
لقد اضأت صفحتى بمروك
وتعلقاتك
التى احس انها كلام من ماس
وان كان حبى لعكاظ تبرور بهذه الصوره
فقد نبع من حبى واحترامى وتقديرى لشخصكم الكريم