عــــارفـــــه !؟

يومين وهيعدوا
وأرجع أشوفك تانى
وحشانى جداً
قوى وحشانى

عارفه
من يوم ما مشيتى ولا حاسس طعم لأيامى
لا المُـر ممـرر
ولا سكر بيحـلِّى عشانى
كل الأيام تشبه بعضيها
وأنا فيها تايه وحدانى

عارفه
حاسس إن المشوار طال عَ الآخر
والهم جبال عَ الصدر ما راضيه فى يوم تتاخر
ولا لاقى لحيرتى فى عيشتى جواب
ولا أول من آخـر

عارفه
وحشانى بجد ونفسى أجيلك
أرمى دماغى على صدرك وأحكيلك
عَ اللى الأيام عملته فيا وأشكيلك
يمكن أرتاح
أو أنعس ليله
من غير ما دموعى الناشفه على خدودى
ما تغرَّق منديلك!!

عارفه
من يوم ما مشيتى ولا لحظه غبتى عن بالى
صوتك بيونِّس أحلامى
صورتك بتنوَّر أيامى
وأما الدنيا تديق قدامى
تتمد أيديكى من الغيب
عَ السكه تثبت أقدامى

بس اللى معذبنى بجد
إنى لوحدى ومانتيش جنبى
وإنك جداً قوى وحشــــــانى

أول
من يصافح دفقاتك
الشعورية العاطفية
الغزلية الشفيفة.
فى حوارية ماتعة
لو فضفض بها كل قلب لحبيبه
لترسخت قواعد العشق قيهما.
تثبت تلك الروشتة المجانية المفيدة
هذا هو الشعر المفيد
مبدعه
"من أنصار الفن للحياة"
فى مجتمعنا الثالث ماديا
والأول عاطفيا
دمت بارعا
اشتاق عاظ لتفاعلك
ولى عودة
محبتى

"يومين وهيعدوا
وأرجع أشوفك تانى
وحشانى جداً
قوى وحشانى
"
موش باين ياعمو دا انت
رحت وقلت عدوا لى هههههه
غزل جميل
تقديرى

عبدالوهاب موسى كتب:: أول
من يصافح دفقاتك
الشعورية العاطفية
الغزلية الشفيفة.
فى حوارية ماتعة
لو فضفض بها كل قلب لحبيبه
لترسخت قواعد العشق قيهما.
تثبت تلك الروشتة المجانية المفيدة
هذا هو الشعر المفيد
مبدعه
"من أنصار الفن للحياة"
فى مجتمعنا الثالث ماديا
والأول عاطفيا
دمت بارعا
اشتاق عاظ لتفاعلك
ولى عودة
محبتى

أستاذى الكريم عبد الوهاب موسى

كم أنا سعيد بمرورك الكريم ،
وأهتمامك الذى يخجلنى،
وثناءك الذى يعطر سماء إبداعى

عذراً أستاذى الكريم على قلة تواجدى بالمنتدى
نظراً لانشغالى الشديد فى رسالتى للماجستير
إضافة إلى مطحنة الحياة المصرية اليومية كما تعلم
وأكل العيش ، والعيال و.. و... و ..
تقبل عذرى

ولك دائماً منى وافر الشكر
وخالص محبتى

هايدى فريد كتب:: "يومين وهيعدوا
وأرجع أشوفك تانى
وحشانى جداً
قوى وحشانى
"
موش باين ياعمو دا انت
رحت وقلت عدوا لى هههههه
غزل جميل
تقديرى

الأخت هايدى فريد

"هايدى" الكلام "مو" معقول
أنا ماقدرش أزعل أحبابى فى عكاظ
بس الظروف ساعات بتغلب الإنسان

شكراً لمرورك وثناءك
لك خالص محبتى

أحييكى

على هذه الكلمات الجميلة

و إليك خالص التحيات

شكراً لمرورك الكريم
وتحيتك العاطرة
دمت فى سعادة وأمن