حال الحال

موضوع: حال الحال الخميس 28 أغسطس 2008, 2:55 pm

أستاذي القدير عبد الوهاب

هذه محاولة متواضعة وشبه قصيدة محكية باللهجة المصرية .. محكي تفعيلة

قفلنا الحلم عالآخر
وقلنا للأمل :
سافر
بعيد , بعيد ماتلزمشي
داحنا غرّقنا ف همومنا
وبالحزن تملا يومنا
ماعدش الحلم ب يفيدشي

سكّينا ببان الحب
بقفل الضبة والترباس
عشان لو حرّك الاحساس
جميع الناس
ماتفتحشي

وليه نحلم
داحنا حلمنا وحلمنا
وتاهت منا أيامنا
لا تغيّر علينا الحال
ولا إحنا تغيّرنا
وغرامنا راح ولا رجعشي

ودلوقتي بنتحسّر
على اللي ضاع وتكسّر
قلوبنا باتت ف غمّة
مشاعرنا بقت ضلمة
وتمر الساعات أيام
بطريقنا زادت العتمة
وأعصابنا ما تحملشي

وآدا اللي وصلنالو
وحال الحال على حالو
مكانك سِرْ يا مواطن
مالكش قيمة بالمرة
ولا حد واخدك ف بالو
خلي المركب تعدّي
وغير ربك ما تسألشي

موضوع: رد: حال الحال الخميس 28 أغسطس 2008, 8:16 pm

لو حزت أخوة عشرة كواكب مع الكوكب الجولييتى
لحاز إبداعى الحسن اليوسفى.
تثبت
وأتواصل:

وباقى الحال

قفلنا الحلم عالآخر
وقلنا للأمل :
سافر
بعيد

يلا

ماتلزمشي
داياما غرّقنا ف همومنا
وبالحزن تملا يومنا
خلاص الحلم ما يفيدشي

وسكّينا ببان الحب
بالضبة مع الترباس
عشان لو حرّك الاحساس
جميع الناس
ماتفتحشي

وليه نحلم
دا ياما حلمنا وحلمنا
وتاهت منا أيامنا
ولا تغيّرفى يوم حالنا
ولازلنامحلك سر
ما نتغيّر
و راح
الحب مارجعشي

ودلوقتي بنتحسّر
على اللي بيضيع ويتكسر
قلوبنا فى سجن وف كتمة
وبات العمر فى العتمة
بيّسرسب قصاد عينا
وحنلمّه ؟! ما ينفعشى

وآدى اللي وصلناله
وباقى الحال على حاله
مكانك سِرْ يا مواطن
ولا مرّه حياخدك حد فى باله!.

وعيشتك فى الحياة مرّة
مالكش قيمة بالمرة
مالكشى قيمة ولاسيما
وصرت الفرجة فى السيما
لاطايل تحلم بليلك
وخاصمك فى الحياة خيلك
ونايمة فى حلم كسلانه
ولا كرّة ولا فرّة!!!.

وعمر وفى الحديد بيفوت
وعيشة و فى النهاية الموت!.
وفى اللحظة تموت روحى
ميتين مرّة وكمان تزيد
وقوت اليوم ما شبعشى

فخلي المركب تعدّي
وقول للحلم ماتهدّى
أنا ياحلمى على قدّى!
وغير ربك ما تسألشي

موضوع: رد: حال الحال السبت 30 أغسطس 2008, 12:08 pm

رغم
غيرتى من بدرك الذى خطف أعين تواصل البيرم
إلا أننى سعيدة بتحليقكما معا فى فضاءات الإبداع الرحيبة.
محبتى الأبدية لك يا بدرعكاظ.